CONSCIENCE J K SIVAN

மனசாக்ஷி – நங்கநல்லூர் J K SIVAN
மனித மனம் ஒரு நிலையில் நில்லாத எங்கெங்கோ மின்னல் வேகத்தில் பறப்பது. குரங்கு கிளைக்கு கிளை தாவுவது போல் ஒரு எண்ணம் மாற்றி இன்னொரு எண்ணம் ஏதாவதொன்றில் நம்மை கடல் அலைபோல் விடாமல் ஆக்ரமிக்கும். எண்ணங்கள் தோன்றுவது நல்லது தான். ஆனால் அநேகமாக அவை எல்லாமே நல்ல எண்ணங்களாக இல்லாதது தான் நமது துரதிர்ஷ்டம்.
எண்ணங்கள் தாமாக உண்டாகவில்லை என்பது ஞாபகம் இருக்கட்டும். நாம் தான் அவற்றின் ப்ரம்மா. களிமண் சேற்றைக் குழைத்து உருவம் பண்ணும்போது அவை நல்ல பொம்மைகளாக இருக்கட்டுமே . எதற்கு தேளும் பாம்பும்? நல்ல எண்ணங்கள் என்றால் என்ன? சுயநலம் கலக்காத, பிறர்க்கும், நமக்கும் உதவும் எண்ணங்கள், பகவான் மேல் சிந்தனை, எல்லோரிடமும் பாரபக்ஷமற்ற அன்பு, போன்று எத்தனையோ இருக்கிறதே. அதைத்தான் சொன்னேன்.
அடிக்கடி மனஸாக்ஷி என்கிற வார்த்தை உபயோகிக்கிறோம். மேலே சொன்ன மனத்தின் ஓட்டத்தை அமைதியாக யாரோ ஒருவர், எதுவோ ஒன்று அமைதியாக, எதிலும் குறுக்கிடாமல், கண்கொட்டாமல் பார்த்துக் கொண்டே இருப்பது. எஜமான், மேலதிகாரி பார்க்கிறான் என்றாலே ஆசாமி தப்பு பண்ண மாட்டான். மன சாக்ஷி தான் நம் எல்லோருக்குள்ளும் பகவான் வைத்து அனுப்பிய ஆத்மா. யாராவது ஒரு காரியம் செய்யும்போது அது நல்ல காரியமாக இருந்தால் பரவாயில்லை. தீய, கெட்ட காரியமாக இருந்தால் சுற்று முற்றிலும் யாரவது கவனிக்கிறார்களா, என்று பார்த்து விட்டு அதை செய்கிறோம். அது தவறு என்று நமக்குத் தெரிந்தும் செய்கிறோம். யாராவது பார்த்துக்கொண்டிருந்தால் அதைச் செய்ய மாட்டோம் அல்லவா. ஆகவே தான் நமது காரியங்கள் எண்ணங்கள் எப்போதுமே நல்லவையாக இருக்கவேண்டும் என்று உள்ளே ஆத்மா என்ற ஒரு காவல்காரனை வைத்தருக்கிறான். மனசாக்ஷி இதைச் செய்யாதே என்று எச்சரிக்கும். அதன் மெல்லிய குரலை நாம் உதாசீனப்படுத்துகிறோம். கஷ்டப்படுகிறோம். மஹாத்மா காந்தி அடிக்கடி ‘ I am guided by the little voice within ” என்பார். மனசாக்ஷியின் படி நடந்தால் ஒரு துன்பமுமில்லை. ஒழுங்கான நடத்தை, சுத்தமான மனம் உண்டாகும்.
விஷ்ணு சஹஸ்ரநாமத்தில் ஒரு ஸ்லோகம்;
पूतात्मा परमात्मा च मुक्तानां परमा गतिः ।अव्ययः पुरुषः साक्षी क्षेत्रज्ञो अक्षर एव च ।। २ ।।
Pootatma Paramatma cha MuktaanaamParamaaGatihi; Avyayah Purushas Saakshee Kshetragno Akshara Eva Cha
நம்முள் இருக்கும் ஆத்ம ஸ்வரூபனான பரமாத்மா இந்த ஜீவன் ஆகிய நாம் செய்யும் காரியங்களுக்கு சம்பந்தமில்லாதவன். அவன் சாக்ஷியாக நம்மைப் பார்த்துக்கொண்டிருக்கிறான், இதை செய்ய வேண்டாம், இதை நினைக்கவேண்டாம் என்ற உணர்வை அளிக்கும் மனசாக்ஷியை நாம் மதிப்பதில்லை. அதை மதிப்பவர்கள் இருக்கிறார்கள், அவர்கள் இந்த தவறுகளுக்கு மனதில் இடம் கொடுக்காதவர்கள். ஞானிகள்.
மனக் குழப்பம், கலக்கம் மற்றும் நிம்மதியின்மை — இவை மூன்றும் மனித மனத்தில் ஏற்படும் முக்கியமான உணர்வுப் பிரச்சனைகள். இவை ஒருவரது வாழ்க்கைத்தரத்தையும், உடல் மற்றும் மன ஆரோக்கியத்தையும் பாதிக்கக்கூடியவை. அளவற்ற எண்ண சிக்கல்களால் தெளிவாக எதையும் சிந்திக்க முடியவில்லை. அதனால் தான் குழப்பம். நிம்மதியின்மை.
அதிக மன அழுத்தம் ஒரு பெரிய வியாதியாக வந்து அவஸ்தைப் படுத்துகிறது.
சிலர் மதுபானம் அருந்தி இதை குறைக்க பார்க்கிறார்கள். எரியும் தீயில் எண்ணெய் விடும் சமாச்சாரம் அது.
மனதில் குழப்பம், குழசல், எதிர்மறையான எண்ணங்கள், நிலைத்தன்மை இல்லாமை போன்ற உணர்வுகள் கலந்து வரும் நிலை வெளியில் இருந்து நமக்குள் புகுவதில்லை. எல்லாமே நாம் உருவாக்கியவை. எல்லாம் நமது குழந்தைகள் தான்.! இதனால் தான் உறவுகளில் பிரச்னை, வேலை யில் தொய்வு, எதிர்பாராத ஷாக், மரணம் தோல்வி, தூக்கம் பாதிப்பு, உள்ளம் உடல் சோர்வு. பயம். கோப தாபங்கள், காம உணர்வுகள் என்று பலமாக நாம் தாக்கப்படுகிறோம். தற்காப்பு இல்லையே.
மனம் காலியாக இருந்தால் தானே மேற்படி எண்ணங்கள் உள்ளே புகும். மனதை சும்மா இருக்க விடாமல், தியானத்தில் ஈடுபடுத்தலாம், ப்ராணாயாமம் எனும் உடல் பயிற்சியில் யோகமார்கமாக ஈடுபடுத்தலாம். கீதை பாகவதம் போன்ற நூல்களை படிக்கலாம். ஆன்மீக ப்ரவசனங்கள் கேட்கலாம், பஜனை கீதங்கள் கேட்கலாம். நல்ல நண்பர்களோடு பழகலாம். சங்கீதங்களை கேட்கலாம், பாடலாம். சாத்வீக உணவருந்தலாம். நமக்கு நாமே வாத்யார்.

Disclaimer
This blog is dedicated to the study, appreciation, and devotional exploration of Indian deities, traditions, and spiritual practices. All content published here is intended solely for educational, informational, and research purposes.

The views, interpretations, and information presented reflect personal understanding and publicly available sources, and are not intended to offend or misrepresent any religion, community, sect, or belief system. Readers are encouraged to consult authoritative scriptures, scholars, and religious authorities for definitive guidance.

Copyright & Intellectual Property: Images, texts, quotations, and other materials featured on this blog may be the property of their respective owners. Such materials are used in good faith for non-commercial, educational, and illustrative purposes under the principle of fair use/fair dealing. No copyright infringement is intended. If you are the rightful owner of any content displayed here and believe it has been used improperly, please contact us and the material will be promptly removed or duly credited.

No Liability: While every effort is made to ensure accuracy, the author makes no warranties regarding the completeness or reliability of the information. Any reliance you place on such information is strictly at your own risk.

All trademarks, logos, and brand names are the property of their respective owners.



Avatar photo
Krishnan Sivan

Sri J.K.Sivan, by profession is a specialist consultant in Marine Insurance, having been a top executive in International Shipowning Organisations abroad, besides being a good singer, a team leader in spiritual activities, social activist, and organised pilgrimage to various temples in the South covering about 5000 temples, interested more in renovating neglected, dilapidated ancient temples He resides in Chennai at Nanganallur.

Articles: 2563

Leave a Reply

Your email address will not be published. Required fields are marked *

;