
பேசும் தெய்வம் – நங்கநல்லூர் J K SIVAN
கலவையில் துளசி
இன்று அனுஷம் என்ற உடனேயே கவனம் பூரா மஹா பெரியவா மேல் படர்கிறது. 31.5.25 நாங்கள் 2வது பயணத்தில் கலவை காஞ்சிபுரம் தேனம்பாக்கம் எல்லாம் போகிறோம். கலவையைப் பற்றி சில வார்த்தைகள் இவை.
சென்னை யிலிருந்து கலவை 120கி.மீ. காஞ்சிபுரத்திலிருந்து 45 கி.மீ. 31.5.25 மத்தியானம் 3 மணிக்கு அங்கே போகிறோம்.கலவை காஞ்சியோடு சம்பந்தப்பட்டது.
அதிசயங்கள், அற்புதங்கள் உலகத்தில் எங்கெங்கோ நிறைய நடக்கலாம். நமக்குத் தெரியாது. கண்கூடாக நாம் பார்த்து அறிந்தது காஞ்சி மஹா பெரியவா வாழ்க்கையில் தான். சந்தேகமே இல்லை
காஞ்சி காமகோடி பீட குரு பரம்பரை அபூர்வமானது. ஒவ்வொரு ஆச்சார்யரும் ஒப்பிடமுடியாத ரத்தினங்கள். ஆதிசங்கரர் முதல் தற்போதைய 71 வது பீடாதிபதி ஸ்ரீ சத்ய சந்திரசேகரேந்திர சரஸ்வதி வரை ஞான தீபங்கள்.
66வது பீடாதிபதி ஸ்ரீ சந்திரசேகரேந்திர சரஸ்வதி (1891-1907) (பூர்வாஸ்ரமத்தில் இவர் பெயரும் ஸ்வாமிநாதன்) 1907 வரை ஆசார்யர். மஹா பெரியவாளை சிறுவயது முதல் அறிந்தவர். அவர் பீடாதிபதியாக வரவேண்டும் என்று விரும்பியவர். அந்த ஆச்சார்யரின் அதிஷ் டானம், சமாதி, 1907லிருந்து இன்று வரை பக்தர்களால் வணங்கப்பட்டு கலவையில் காஞ்சி மடத்திற்குள் உள்ளது. இவர் மஹா பெரியவாளின் பரமேஷ்டி குரு.
67வது பீடாதிபதி மஹாதேவேந்த்ர சரஸ்வதி.1889ல் நரசிம்ம சாஸ்திரிக்கும் லக்ஷ்மி அம்மாளுக்கும் பிறந்து லட்சுமிநரசிம்மன் என்ற பூர்வாஸ்ரம பெயர் கொண் டவர். மஹா பெரியவாளின் பெரியம்மா பிள்ளை. இருவருமே 66வது பீடாதிபதியால் தேர்வு செய்யப் பட்டவர்கள். 67வது பீடாதிபதி 18 வயதில் பட்டத்துக்கு வந்தவர். ஏழே நாளில் உடல் நலக்குறைவால் சமாதி
யடைந்தார். அவருடைய அதிஷ்டானம்/சமாதியும் கலவையில் உள்ளது.
காஞ்சி மடம் மிகப்பெரிய அதிர்ச்சியில் இருந்த அந்த நேரத்தில் அடுத்த பீடாதிபதி யார்? 66வது பீடாதிபதி விரும்பிய நமது பரமாச்சார்யருக்கு அப்போது 13 வயது. திண்டிவனத்தில் பள்ளியில் படித்துக் கொண்டிருந்தார். அப்போது மஹா பெரியவாளை, பிரியத்தோடு, எதிர்கால நம்பிக்கை நக்ஷத்ரமாக உணர்ந்து, ஆசிர்வ தித்தவர். 13 வயதில் மஹா பெரியவா ஸ்வாமிநாதாக இருந்தவர் கலவையில் சன்யாசியாகி 68வது பீடாதி பதியாகி, என்றும் நமக்கு மஹா பெரியவாளாக 100 வருஷங்கள் அருள் பாலித்தார், கலவையில் மஹா பெரியவா வெகு காலம் தங்கி தியானம் செய்தவர். மஹாபெரியவாளின் பரமேஷ்டி குரு 66வது பீடாதி பதிகள்.
66வது, 67வது பீடாதிபதிகள் இருவருமே கலவையில் முக்தி அடைந்தவர்கள், என்பதால் அடுத்த 68வது பீடாதிபதி மஹா பெரியவாளுக்கு தனக்கும் கலவை யில் முக்தி கிடைக்கவேண்டும் என்று ஒரு விருப்பம். ஆனால் அவரது அதிஷ்டானம் காஞ்சி காமகோடி மடத்திலேயே அமைந்து விட்டது. இந்த மூன்று ஆச்சார் யர்களின் சம்பந்தத்தால் கலவையில் தெய்வீக ஆன்மீக உணர்வலைகளைப் பெற முடிந்தாலும் மஹா பெரியவாளின் விருப்பம் எப்படி நிறைவேறியது என்பது தான் அதிசயம், அற்புதம். அதைத்தான் சொல்லப்போகிறேன்.
66வது 67வது பீடாதிபதிகள் அதிஷ்டானத்துக்கு நடுவே கலவையில் ஒரு சின்ன துளசி செடி உருவானது. அதிஷ் டானங் களை சுற்றிவரும் பக்தர்களுக்கு இந்தச் செடி வளர்ந்தால் இடையூறாக இருக்குமே என்று கலவை யில் அதிஷ்டானத்தில் தொண்டாற்றிவரும் சுப்ரமணிய கனபாடி களுக்குத் தோன்றியிருக்கிறது. அதைப் பிடுங்கிவிட முயற்சித்தார். பலமுறை அகற்றியும் ஏனோ அங்கே துளசி மீண்டும் மீண்டும் தலை தூக்கி யது. அதை எப்படி நிரந்தரமாக அகற்றுவது என்ற யோசனையில் இருந்தார். அப்போது தான் சுப்ரமணிய கன பாடிகளின் கனவில் மஹா பெரியவா தோன்றினார்.
”சுப்ரமணியா, எனது குருநாதர் , பரம குருநாதர் ரெண்டு பேருடைய அதிஷ்டானத்துக்கும் அருகே நானும் நித்யவாஸம் பண்ண ஆசைப்படறேண்டா, துளசியா இருக்கேன். அதை பிடுங்கணும் , அகற்றணும் என்கிற எண்ணத்தை, முயற்சி யை இனிமே விட்டுடு”
இன்றும் கலவையில் அதிஷ்டானங்கள் இடையே துளசி மலர்ந்துகொண்டு தானிருக்கிறது. அவசியம் அடுத்தமுறை கலவை சென்றால் மூன்று பீடாதி பதிகளையும் ஒருமிக்க தரிசிக்கவும். நாங்கள் 31.5.25 அன்று தரிசிக்கப்போகிறோம்.
DisclaimerThis blog is dedicated to the study, appreciation, and devotional exploration of Indian deities, traditions, and spiritual practices. All content published here is intended solely for educational, informational, and research purposes.
The views, interpretations, and information presented reflect personal understanding and publicly available sources, and are not intended to offend or misrepresent any religion, community, sect, or belief system. Readers are encouraged to consult authoritative scriptures, scholars, and religious authorities for definitive guidance.
Copyright & Intellectual Property: Images, texts, quotations, and other materials featured on this blog may be the property of their respective owners. Such materials are used in good faith for non-commercial, educational, and illustrative purposes under the principle of fair use/fair dealing. No copyright infringement is intended. If you are the rightful owner of any content displayed here and believe it has been used improperly, please contact us and the material will be promptly removed or duly credited.
No Liability: While every effort is made to ensure accuracy, the author makes no warranties regarding the completeness or reliability of the information. Any reliance you place on such information is strictly at your own risk.
All trademarks, logos, and brand names are the property of their respective owners.


