
பேசும் தெய்வம் – நங்கநல்லூர் J K SIVAN
ஜூலை 7, 2025. இன்று அனுஷம். மஹா பெரியவா நக்ஷத்ரம். வழக்கத்தை விட அதிகமாக மஹா பெரியவா மேல் சிந்தனை. எதிரே சிரித்துக்கொண்டு அபய ஹஸ்தம் காட்டி குத்துக் கால் போட்டு அமர்ந்தியிருக்கும் படம்… அவரை வெகுநேரம் பார்த்துக்கொண்டிருந்தேனே தவிர மனதில் அவரோடு ஒரு மானசீக உரையாடல்;
”பெரியவா உங்களைப் பத்தி இன்னிக்கு காலம்பற படிச்சது நான் ஏற்கவே பல முறை படிச்சது தான். இருந்தாலும் ஒவ்வொரு தடவை உங்களைப் பத்தி படிக்கும்போதும் எழுதும்போது ஒரு புது உத்ஸாகம் மனதில், உடம்பில் புது தெம்பு உண்டாகிறது.”
”என்ன படிச்சே என்னை பத்தி?”
”பதினாறு – பதினேழு வயசிலே மஹேந்திர மங்கலத்தில் நீங்க வாசம் செய்த போது நடந்த ஒரு சம்பவம்.
++++
மஹா பெரியவா வெகு தூரம் காவேரி ஆற்றில் மணல் திட்டுகள் மேல் ஆனந்தமாக தனிமையாக சிந்தித்துக் கொண்டே நடந்து போவார். இயற்கையை ரசிக்க அவருக்கு ரொம்ப பிடிக்கும்.. சில காட்சிகளை போட்டோ பிடிக்க ஆசைப்படுவார். ஒரு போட்டோ க்ராபர் அடிக்கடி அவர் பின்னாலேயே போவது வழக்கம். சில காட்சிகளை காட்டி படம் பிடிக்கச் சொல்வார்.
போட்டோ எடுப்பதிலும் நுணுக்கங்கள், திறமைக்குரிய அனுபவங்கள் உண்டு. அவருக்கு எப்படித்தான் அதெல்லாம் தெரிந்ததோ அப்போதே? . அவற்றை எடுத்துரைத்து அந்த போட்டோக்ராபரை ”இப்படி எடு, அப்படி எடு” என்று அறிவுரை தருவார். அப்போ தெல் லாம் பிலிம் சுருளை இருட்டறையில் டெவெலப் பண்ணி போட்டோக்கள் ஈரமாக கொடிக்கம்பியில் ஈரத்தோடு தொங்கும் காலம். அவர் தம்பி.சாச்சு எனப்படும் சதாசிவம் எனப்படும் சிவன் ஸார் கூட ஒரு அற்புத போட்டோக்ராபர்.
பெரியவாளுக்கு கணக்கு, விஞ்ஞானம், சரித்திரம் வான சாஸ்திரம், ஜோசியம், சங்கீதம், வீணை வாசிக்க,,, எல்லாம் கூட தெரியும். இந்த சாஸ்திரங் களை மேலும் தீவிரமாக கற்க திருவையாறு சுந்தரேச ஸ்ரௌதிகள் சிஷ்யன் மரூர் ராமஸ்வாமி சாஸ்திரி களை மடத்தி லேயே சில வருஷங்கள் தங்கி இருக்க செய்தார். அவரது குடும்பத்துக்கு உதவி செய்தார்.
தேவாரப்பாடல்களை இசையோடு பாடினால் பெரிய வா கேட்பதற்கு ரொம்ப பிரியப்படுவார். இசைக் கருவி களோடு மடத்துக்கு அநேக கலைஞர்கள் வந்து பாடுவார்கள், அவர்களோடு தானும் தேவார பாடல்களை பாடுவார். வைணவ பிரபந்தங்கள் பாசுரங்கள் எல்லாம் ஆர்வத்தோடு கேட்பார். திருவாய்மொழி ரொம்ப பிடிக்கும்.
மஹா பெரியவா மஹேந்திர மங்கலத்தில் இருந்த காலம் 1911-1914. கல்விகள் கற்று கும்பகோணம் திரும்பியபோது மஹா பெரியவா வயது 20. மஹா பெரியவா மகேந்திர மங்கலத்தில் வித்யாப்யாஸம் பெற்ற இடம் தற்போது சங்கராலயமாக காட்சியளிக் கிறது.
மஹா பெரியவாளுக்கு சின்னவயசிலிருந்தே கிரஹிக் கும் சக்தி அபாரம். அதைப் பற்றி தான் ஒரு சின்ன விஷயம் சொல்கிறேன்.
மஹா பெரியவா பால்ய வயதிலேயே பட்டமேற்று, கும்பகோணம் சங்கர மடத்தில் இருந்து பாடங்களை கற்று வந்தபொழுது, அவருக்கு பாடம் சொல்லிக் கொடுத்தவர்களில், பைங்காநாடு கணபதி சாஸ்திரி களும் ஒருவர். கணபதி சாஸ்திரிகள், கும்பகோணம் சங்கர மடத்துக்கு எதிரில் குடியிருந்தார். காலையில், சங்கர மடத்துக்கு சென்று, பாலகனான ஆசார்யா ஸ்வாமிகளுக்கு ஒரு மணி நேரம் பாடம் சொல்லுவார். மாலையில், சாஸ்திரம், சமஸ்க்ருதம், காவியம்/அலங்காரம் போன்ற பாடங்கள் நடக்கும். வசந்த காலத்தில், மடத்துக்கு அருகிலேயே ஓடும் காவேரி நதியின் மணல் பரப்புக்கு ஆசிரியரும், மாணவரும் செல்வார்கள். பாடங்கள் நடக்கும்.
காலம் இவ்வாறு ஓடியது.
ஒருநாள் மாலை பால்ய மஹா பெரியவாளுக்கு கணபதி சாஸ்திரிகள் பாடம் நடத்திக் கொண்டிருந் தார். இளம் வயது ஜகதகுரு மாணவரோ, தன் இடது கை விரல்களால் ஆற்று மணலைத் தோண்டிக் கொண்டு விளையாட்டாக இருந்தார். கணபதி சாஸ்திரிகள் இதைப் பார்த்தார். மறுநாள் நாள் காலை, எப்பொழுதும் போல் அவர், மடத்துக்குச் சென்றார். ஆச்சார்யாளைப் பார்த்து நமஸ்கரித்தார். அப்போது நடந்த சம்பாஷணை:
கணபதி சாஸ்திரிகள்: ”க்ஷமிக்கணும், ஆசார்யாள் என்னை சொந்த ஊருக்குப் போக அனுமதிக்கணும் ”
பெரியவா; ”ஏன், எனக்கு பாடங்கள் நடக்கிறதே , அது இன்னும் முடியவில்லையே. திடீர்னு எதுக்கு பாதியிலே விட்டுட்டு ஊருக்கு போகணும்ங்கறேள். என்ன காரணம்?
கணபதி சாஸ்திரிகள்: (சற்று கடுமையாக): ”ஒரு மாணவன், வித்யையில் நாட்டம் கொண்டு நல்லறிவு பெற படிக்கணும்னா வாத்யார் பாடம் நடத்தும் போது அதுலே நல்ல கவனம் வைக்கணும். அது அவசியம். புத்தி சிதறாமல் பாடத்தில் கவனம் போகணும் . எவன் ஒருவன் ஆற்று மணலில் அமர்ந்துகொண்டு, அதைத் தொடாமல் இருப்பானோ, கத்தியைக் கையில் வைத்துக் கொண்டு, அதை வைச்சிண்டு வேறே ஒண்ணும் துருபயோகம் செய்யாமல் இருப்பானோ, மனசை உயர்ந்த வஸ்துவிடம் நிலைத்து வைத்திருப் பானோ – அவனே ‘ஸ்திதப்ரஞ்ஜன்’ என்று எனது குருநாதாள் சிஷ்யர்களுக்கு போதிப்பார்கள். நேற்றைய தினம், பாடம் நடக்கும் போது ஆச்சார்யாள் ஏனோ சற்று கவனக்குறைவாக இருந்தாள்”
பெரியவா: ”ஓஹோ. அது தானா. நான் மணலில் விளையாடியது வாஸ்தவம்தான், ஆனால் நீங்க நடத்தின பாடத்தில் தான் என் முழு கவனமும் இருந்தது. நேற்று நீங்க நடத்தின பாடத்தை முழுசா ஒண்ணு விடாம இப்போ அப்படியே சொல்கிறேன் கேளுங்கோ”.
மஹா பெரியவா முதல் நாள் கணபதி சாஸ்திரிகள் நடத்திய பாடத்தின் விவரங்களை நுணுக்கமாக சொன்னார்.
இதைக் கேட்ட கணபதி சாஸ்திரிகள் ஆசார்யாளின் புத்தி கூர்மையையும், ஞாபக சக்தியையும் கண்டு வியந்து, மறுபடியும் நமஸ்கரித்து விட்டு பேசினார்.
” பகவானே, நீங்க ஜகதகுரு, நீங்க இப்போ சொன்ன தைக் கேட்ட பிறகு, இனிமேலும் உங்களுக்கு பாடம் சொல்லிக் கொடுக்க நான் தேவையில்லை ன்னு நினைக்கிறேன். ஆசார்யாள் ஆசிரியர் இல்லாமலேயே அனைத்தையும் அறிந்து கொள்ளும் புத்தி கூர்மை, ஞானம் உள்ளவா. ஆசார்யாள் எனக்கு ஊருக்கு போக உத்தரவு கொடுக்கணும்” என்றார்.
”இல்லே நீங்க ஊருக்கு போகவேணாம். இங்கேயே இருங்கோ”.
இதற்குப்பிறகு 10 மாதங்களுக்கு மேல் அங்கேயே தங்கி ஆசார்யாளுக்குப் பாடம் எடுத்தார் கணபதி சாஸ்திரிகள்.
பைங்காநாடு கணபதி சாஸ்திரிகள் 40 வயதாகு முன்பே நூறு புத்தகங்களுக்கு மேல் எழுதி இருக்கிறார். டில்லி வெள்ளைக்கார அரசாங்கத்தாரால் தேர்ந்தெ டுக்கப்பட்டு மகா மஹோபாத்யாய பட்டம் அவர் காலஞ்சென்ற 10 நாட்களுக்குப் பிறகு இளம் வயதிலேயே பெற்றவர். அவர் நாற்பத்தொன்று வயதை தாண்டவில்லை என்று தெரிகிறது.
மஹா பெரியவாளுக்கு புராணங்கள், சாஸ்திரங்கள் ஸ்தோத்திரங்கள் எல்லாம் மனப்படமாகி விட்டது. ஒவ்வொரு ஸ்தலத்தின் மஹிமை அற்புதமாக அவரது நினைவில் இருந்தது. எண்ணற்ற மஹான்கள், ஆசார்யர்கள், சிறந்த பண்டிதர்கள், ஆசிரியர்களுடன் சம்பாஷித்து நிறைய விஷயங்களை தனக்குள் ஆராய்ச்சி செயது வலுப்பெற்றவர் மஹா பெரியவா. எல்லோருடனும் பழகுவதில் அவருக்கு இணை அவரே தான்.
கும்ப கோணத்தில் இருந்தபோது 30 மைல் தூரத்தில் இருந்த கங்கை கொண்ட சோழபுரம் அடிக்கடி சென்று அங்கிருந்த பிரகதீஸ்வரர் ஆலயத்தில் தரிசித்துவிட்டு அந்த ஆலயத்தின் நேர்த்தியான சிற்பக்கலை விநோதங்களை ஆராய்வார்.
ஒவ்வொன்றையும் ஆழ்ந்து ஆராய்ந்து பொருள் தேடுவார். இதில் அவருக்கு பெரிதும் உதவியவர் புதைபொருள் , அகழ்வாராய்ச்சி நிலத்தில் இன்ஜி னியராக பனி புரிந்த P V ஜெகதீசய்யர், இன்ஜினீயர் அனந்தாழ்வார் என்ற இருவர்.
மஹா பெரியவா இருபது வயது வரை மஹேந்திர மங்கலத்தில் கல்வி கற்ற மஹான். தன்னுடைய விடா முயற்சியால், ஆர்வத்தால் சகல கலைகளிலும் வல்லுனராக ஒரு பெரிய பீடாதிபதிக்கு ஏற்ற, தகுந்த ஞானம் பெற்றவராக விளங்கினார்
.++
”மஹா பெரியவா, இதை தான் படிச்சேன் எழுதினேன்… உங்க ஞாபக சக்தி, சர்வஞ சக்தி ஆச்சர்யமா இருக்கு. இன்னொருத்தரை இதுபோல பார்த்ததில்லே பெரியவா….”
மஹா பெரியவா அபய ஹஸ்தத்தோடு படத்தில் புன்முறுவல் செய்தார். அதற்கு தான் எத்தனை அர்த்தம்!!
அதைச் சொல்ல எழுத்தில். எழுத்து இருந்தாலும் எனக்கு எழுத சக்தி, திறமை இல்லை. ரெண்டு கைகளும் கூப்பிய வண்ணம் இருக்கிறதே.. எப்படி எதை எழுதுவது?
This blog is dedicated to the study, appreciation, and devotional exploration of Indian deities, traditions, and spiritual practices. All content published here is intended solely for educational, informational, and research purposes.
The views, interpretations, and information presented reflect personal understanding and publicly available sources, and are not intended to offend or misrepresent any religion, community, sect, or belief system. Readers are encouraged to consult authoritative scriptures, scholars, and religious authorities for definitive guidance.
Copyright & Intellectual Property: Images, texts, quotations, and other materials featured on this blog may be the property of their respective owners. Such materials are used in good faith for non-commercial, educational, and illustrative purposes under the principle of fair use/fair dealing. No copyright infringement is intended. If you are the rightful owner of any content displayed here and believe it has been used improperly, please contact us and the material will be promptly removed or duly credited.
No Liability: While every effort is made to ensure accuracy, the author makes no warranties regarding the completeness or reliability of the information. Any reliance you place on such information is strictly at your own risk.
All trademarks, logos, and brand names are the property of their respective owners.



