HINDU BRAHMIN LIFE CIRCLE J K SIVAN

வாழ்க்கை சக்ர விசேஷங்கள்; நங்கநல்லூர் J K SIVAN
ஒரு பிராமணன் பிறந்தது முதல் பல வித சடங்குகள் செய்வது சம்ப்ரதாயம். பழக்கம். பாரம்பரிய வழக்கம்.
அதில் முக்கியமான சிலவற்றை சொல்கிறேன்.
ஜாதகர்மா என்பது பிறந்தவுடன் செய்யப்படும் சடங்கு. குழந்தையின் மூக்கில் நெய் வைத்து , காதில் ஓம் சொல்கிறோம். உயிர் மூச்சு உறுதிப்படுத்தப்ப டுகிறது. அதை தொடர்ந்து நாமகரணம். அது குழந்தை பிறந்த 10, 11, 12 நாட்களில் அவரவர் வழக்கப்படி செயகிறோம். குழந்தைக்கு பெயர் சூட்டுவது. குலதெய்வத்தின் பெயர், தாத்தா பாட்டிகள் பெயர், இஷ்ட தெய்வத்தின் பெயர் வைக்கும் சடங்கு.
குழந்தைக்கு 6 மாதம் ஆன உடன் அன்ன ப்ராசனம். கோவிலில் துலாபாரம் போட்டு காணிக்கை கொடுத்து அங்கே அன்னப் ப்ராசனம் அப்பா அம்மா பண்ணுவதை குருவாயூர் கோவிலில் கூட பார்க்கலாம். பலர் வீட்டிலேயே பண்ணுகிறார்கள். குழந்தை முதன் முதலாக அரிசி சாதம் கொடுக்கப்படும் நாள்.
கர்ணபூஷணம், கர்ணவேதனம் என்பது காது குத்துவது. முதல் வயது அப்த பூர்த்தி ஆன அன்று செய்வது. ஆண் பெண் குழந்தைகளுக்கு பொதுவானது.
குழந்தை வயிற்றில் இருக்கும்போதே தாய்க்கு எட்டாம் மாசம் சீமந்தம் நடைபெறுகிறது தெரிந்த விஷயம் தானே. நல்ல மன நிலை குழந்தைக்கு ஏற்பட வேண்டும் என்று செய்யப்படும் சடங்கு.
ஆண் குழந்தைக்கு அந்தக் காலத்தில் ஐந்து வயதிலேயே உபநயனம். இப்போது அதிக பக்ஷம் 11 வயதுக்குள் உபநயனம் நடப்பது, , பூணல் போடுகி றோமே. ( கல்யாணம் ஆகும் போது ஒரு சில நிமிஷங்கள் மாப்பிள்ளை பூணல் போட்டுக்கொள்வதும் வழக்கமாகிவிட்டது. சட்டை மேலே பூணல் போட்டு பார்த்திருக்கிறேன்)
காயத்ரீ மந்திரம் பிரம்மோபதேசம் அப்பா மூலம் வாத்யார் உபதேசிப்பார். அந்த கணம் முதல் பிராமணன் ரெண்டாவது பிறவி எடுக்கிறான். அதனால் தான் “த்விஜன்” (இரண்டாவது பிறப்பு) எனப்படுகிறான்.
ஆரம்ப காலத்தில் அப்புறம் தான் சிறுவன் குருவின் வீட்டுக்கு கல்வி வேதம் கற்பதற்கு அனுப்பப்படுவான். குருகுலவாசம் தான் பள்ளிக்கூடம் அப்போது. பிரம்மச் சரியம் எனும் வாழ்க்கை நிலை இது.
கல்வி கற்றபின் விவாகம். திருமணம். பெற்றோர் தகுந்த பெண்ணை தேர்ந்தெடுத்து கன்யாதானம், மங்கலஸூத்ர தாரணம் எல்லாம் கிரமமாக சாஸ்த்ர ஸம்ப்ரதாயத்தோடு நடக்கும். பிறகு குடும்ப வாழ்க் கை இது தான் க்ரஹஸ்தாஸ்ரமம் எனப்படும் ரெண்டாவது நிலை. இதில் நித்ய கர்மா, தேவ கடன்,பித்ரு கடன், ரிஷிகளுக்கு செய்யவேண்டிய கர்மமாக்கள் செயகிறான்.
பிள்ளை பேரன் பேத்தி எடுத்த பிறகு அவன் வாழ்க்கை நிலை வானப்ரஸ்தம்: இப்போதெல்லாம் காட்டுக்கு போவதில்லை, அதிக பக்ஷம் OLDAGE HOME , முதியோ ரில் லம் தான் வானப்ரஸ்தம். இங்கு தான் ஆன்மீக வாழ்க்கை வளர்கிறது.
காட்டுக்கு போய் தவமிருக்கும் சந்யாசிகள் இப்போது இல்லை. குடும்பத்தில் ஈடுபாடு கொள்ளாமல் தனித்து இருப்பதே தான் இப்போதைய ஸந்நியாசம்: உலக ஈடுபாடுகள் கவர்ச்சிகள் துறந்து முழுமையாக ஆன்மிக வாழ்வு. மனது த்யானம், தத்வம் எல்லாம் தேடும் புரிந்துகொள்ளும் பருவம்
.
கடைசி நிலை பற்றி சொல்லப்போவதில்லை.
வாழும்போது வயது ஏற ஏற சில சடங்குகள் செயகி றோமே அதைப் பற்றி சொல்கிறேன்.
ஹிந்துக்களின் வாழ்க்கையில் பிறந்தது முதல் ஒருவருஷம் கழித்து கொண்டாடுவது அப்த பூர்த்தி
55வது வருஷ ஆரம்பத்தில் பீம சாந்தி
60வது வயசு ஆரம்பத்தில் உக்ர ரத சாந்தி.
60 வயது முடிந்து 61 ஆரம்பத்தில் ஷஷ்டி அப்த பூர்த்தி
69 முடிந்து 70 ஆரம்பத்தில் பீம ரத சாந்தி. பீம என்றால் பெரிய, நீண்ட, ரதம் என்றால் வாழ்க்கை தேர். அது பீமனின் ரதம் போல் பலமுள்ளதாக வரும் நோய் நொடிகளை, எதிர்த்து தாங்கக்கூடியதாக முன்னோக்கி எஞ்சிய வாழ்க்கையை நிம்மதியாக நடத்த ஓடவேண் டும் என்று வேண்டிக்கொள்ளும் சடங்கு. பீமா என்றால் வாழ்க்கை எனும் பொருளில் LIC க்கு கூட பீமா என்ற வார்த்தை நிறைய பிடிப்பதால் பல பாலிஸிகளை இந்த பெயரோடு கொடுக்கிறார்கள்.
இது அதிக விமரிசையாக கொண்டாடப்படுவதில்லை. வீட்டோடு உறவினர்கள், நண்பர்களுடன் திருப்தியாக கொண்டாடுபவர்கள் அதிகம்.
72 ஆரம்பத்தில் ஏக சாந்தி
77 வருஷம் 7 மாசம், 7 நாள் முடிந்ததும் விஜயரத சாந்தி.
80 முடிந்து 8 மாதங்கள் ஆனதும் : சதாபிஷேகம்.85 சதாயுஷ்ய பூர்த்தி ஸதாயுஷ் ஹோமம் 85 வயது முடிவு. 90 நவதி பூர்த்தி 90வயது முடிந்தவுடன் செய்வது.
100 வருஷம் முடிந்தபின் ஸதாயுஷ் ஹோமம் (Sadayush Homam) சதாயுஷ்ய பூர்த்தி – சத பூர்த்தி சாந்தி. பூர்ணாபிஷேகம் எனும் கனகாபிஷேகம்.
ஒரு முக்கிய விஷயம். இவை எல்லாமே இங்கிலிஷ் வருஷம் சம்பந்தமே இல்லாதது. வெள்ளைக்காரன் வருவதற்கு முன்பே பாரத தேசத்தில் வேதகாலத்தி
லிருந்து வழக்கத்தில் இருந்த சடங்குகள்.
ஹிந்துக்களுக்கு, தமிழினத்துக்கு, அறுபது ஆண்டுகள் ஒரு வட்டம். பிறந்ததிலிருந்து, அந்த ஜென்ம தினத்தி லிருந்து 60 வருஷங்கள் முடிந்து மீண்டும் அதே ஜென்ம நக்ஷத்ரம் வரும் தினம் அன்று கொண்டாடப்படுவது
ஷஷ்டி அப்த பூர்த்தி.வீட்டோடு உறவினர்கள், நண்பர்களுடன் திருப்தியாக கொண்டாடுபவர்கள் அதிகம்.
சதாபிஷேகம் (80வது ஆண்டு நிறைவு ) 80வருஷம் + 8 மாதம் + 8 நாள் கணக்கு இதையே ஆயிரம் பிறை காண்பது . ஸஹஸ்ர சந்திர தர்சனம் என்பது.
நூறு வயது முடிந்தால் கனகாபிஷேகம். சதம் ; நூறு அபிஷேகம்; ஸ்னானம்.. சதாபிஷேகம் ஒரு பெரிய ஹோமம், ஆயுள் விருத்திக்காக செய்யப்படும்.
யுதிஷ்டிரனின் ராஜசூய யாகத்திற்கு சனகாதிகள் போயிருந்ததின் காரணம் அங்கே நிச்சயம் கிருஷ்ணன் வருவார் தரிசித்து வணங்கலாம் என்பதற்கு தான். ஆனால் கிருஷ்ணனோ அங்கு வந்திருந்த பெரியவர் களுக்கு பாத நமஸ்காரம் பண்ணிக் கொண்டிருந்தார்.
”கிருஷ்ணா, நாங்கள் உன்னை நமஸ்கரிக்க வந்தால் நீ வேறு யாரையெல்லாமோ வணங்கிக் கொண்டிருக் கிறாயே ஏன்?”
முனிவர்களுக்கு கிருஷ்ணனின் பதில்;.
” நான் ஆறு பேரை முக்கியமாக நமஸ்கரிக்கிறேன். :
1. .தினசரி அநேகருக்கு உணவு அளிப்பவன்,
2. இளம் வயதிலேயே யாக யஞம் பண்ணுபவன்,
3. உலகியலில் சிக்கிக்கொள்ளாதவன்,
4. தியாகிகளாக வாழும் சிறந்த பெண்மணிகள்,
5. ப்ரம்ம ஞானிகள்,
6. ஆயிரம் பிறைக்கண்ட 81 வயதான முதியவர்கள்..
முக்கிய நோக்கம்: வாழ்ந்த நூறு ஆண்டுகளுக்காக பகவானுக்கு நன்றியுடன் நிவேதனம் செய்வது, வாழ்வின் றைவுபுள்ளியை சாந்தியாக மாற்றுவது.
இது ஒரு முக்கிய வைதிக சடங்கு. ஹோமம் வளர்த்து வேத மந்த்ரம் சரியாக சொல்லி தேவதைகளுக்கு, த்ரிப்தியடைய நன்றியோடு ப்ரீதி செய்யும் பூஜை. வாழ்க்கையில் தொடர்ந்து இடையூறுகள் நிகழாமல் பாதுக்காக்க , தேஹ ஆரோக்யம் பெற இறைவனை வணங்கும் பூஜை. தம்பதிகளில் வயதில் 70 நெருங்கியவர் கணவனாகத் தான் இருப்பார் என்றாலும் தம்பதிகள் இருவரும் இந்த சடங்கில் பூஜையில் கௌரவிக்கப்படுகிறார்கள்.
குடும்பத்தார், நண்பர்கள், மற்ற உறவினர்கள் அநேகமாக கலந்துகொள்வார்கள். சிறியவர்களுக்கு தம்பதிகள் ஆசி வழங்கி மந்த்ர அக்ஷதை ப்ரோக்ஷிப்பார்கள். தங்களை விட பெரியவர்களிடம் சென்று அக்ஷதை கொடுத்து ஆசி பெறுவார்கள். சஷ்டியப்த பூர்த்தி, பீமரத சாந்தி, சதாபிஷேகம், கனகாபிஷேகம் எல்லாம் பெற்ற குழந்தைகள் பெற்றோர்க்கு ஆசையாக சநதோஷமாக நடத்தி வைக்கும் விழாக்கள் என்பது நமது ஹிந்து சமூகத்திற்கு ஒரு தனிப் பெருமை.
பீமரத சாந்தி ஹோம பூஜையில் பிரதானமாக வழிபடுவது ஆயுள் தேவதை, ஸாத் குண்ய தேவதா , சப்த சிரஞ்சீவிகள் ஹனுமான், விபீஷணன், மஹாபலி சக்கரவர்த்தி, மார்க்கண்டேயன், வேதவியாசர், பரசுராமர், அஸ்வத்தாமன் ஆகியோரை வணங்கி ஆசிபெறுவது. குடும்ப லோக க்ஷேமத்துக்கு வேண்டுவது.
இந்த ஹோம பூஜைகளில் நவகிரஹ ஹோமம், கணபதி ஹோமம், ஆயுஷுஹோமம், தவிர முக்கியமாக ஏகாதச ருத்ர ஜபம் அவசியம் பண்ணுவது வழக்கம். பணம் செலவழித்து ஊர் கூட்டி கோலாகல
மாக பண்ணினாலும் வீட்டோடு பண்ணினாலும்
ஹோம பூஜை, மந்த்ரங்கள், ஜபம் இருந்தே ஆகவேண்டும்.சிலர் கோயில்கள் புண்ய க்ஷேத்ரங் களில் இதெல்லாம் பண்ணிக் கொள்கிறார்கள்.

Disclaimer
This blog is dedicated to the study, appreciation, and devotional exploration of Indian deities, traditions, and spiritual practices. All content published here is intended solely for educational, informational, and research purposes.

The views, interpretations, and information presented reflect personal understanding and publicly available sources, and are not intended to offend or misrepresent any religion, community, sect, or belief system. Readers are encouraged to consult authoritative scriptures, scholars, and religious authorities for definitive guidance.

Copyright & Intellectual Property: Images, texts, quotations, and other materials featured on this blog may be the property of their respective owners. Such materials are used in good faith for non-commercial, educational, and illustrative purposes under the principle of fair use/fair dealing. No copyright infringement is intended. If you are the rightful owner of any content displayed here and believe it has been used improperly, please contact us and the material will be promptly removed or duly credited.

No Liability: While every effort is made to ensure accuracy, the author makes no warranties regarding the completeness or reliability of the information. Any reliance you place on such information is strictly at your own risk.

All trademarks, logos, and brand names are the property of their respective owners.



Avatar photo
Krishnan Sivan

Sri J.K.Sivan, by profession is a specialist consultant in Marine Insurance, having been a top executive in International Shipowning Organisations abroad, besides being a good singer, a team leader in spiritual activities, social activist, and organised pilgrimage to various temples in the South covering about 5000 temples, interested more in renovating neglected, dilapidated ancient temples He resides in Chennai at Nanganallur.

Articles: 2561

Leave a Reply

Your email address will not be published. Required fields are marked *

;