
யஜுர் உபாகர்மா — நங்கநல்லூர் J K SIVAN
ஆவணி அவிட்டம்.
விடிந்தால் பூணல் போட்டுக்கொள்ளும் நாள் என்ற அளவுக்கு தான் ஆவணி அவிட்டம் பற்றியும் யஜுர் உபாகர்மா பற்றியும் என்னையும் சேர்த்து எல்லோருக்கும் தெரியும். ஒரு பழைய ஞாபகம் நினைவுக்கு வருகிறது.
ஆவணி அவிட்டம் என்று சொல் தமிழ் மாதத்தை குறிக்கிறது மற்றும் அவிட்டம் 27 நட்சத்திரங்களில் ஒன்றாகும். மேலும் எல்லா பிராமண சமூகங்கள் ஆவணி அவிட்டம் சடங்கிய முழு அர்ப்பணிப்புடனும் பக்தியுடனும் கடைபிடிக்கின்றன. குறிப்பாக எஜுர் வேத பிராமணர்களுக்கு இந்த நாள் மிகவும் முக்கியம் வாய்ந்தது. ஆவணி அவிட்டத்தில் பிராமணர்களுக்கு ஒரு புனித பூ நூல் வழங்கப்படுகிறது மற்றும் மூன்றாவது கண், அதாவது ஞானத்தின் கண் திறக்கும் என்று நம்பப்படுகிறது.
ஆவணி அவிட்டம் நாளில் போன வருஷத்தில் நாம் செய்த பாவங்களுக்கு பரிகாரமாக ஒரு புனித சபதம் எடுக்கப் படுகிறது. இந்த நேரத்தில் புனித மந்திரங்கள் உச்சரிப்பார்கள். பிராமணர்கள் சூரிய உதயத்தில் புனித நீராடுவார்கள். ஆவணி அவிட்டம் அன்று பிராமணர்கள் ஜனேயு அல்லது ய்ஜ்பவித் எனப்படும் புதிய புனித நூலை அணிவார்கள் . இது ஆவணி அவிட்டத்தின் மிக முக்கியமான சடங்கு மற்றும் இந்த நேரத்தில் வேத மந்திரங்கள் உச்சரிக்கப்படும் இது பொதுவாக ஒரு நதி அல்லது குளத்தின் கரையில் நடத்தப்படும். எங்கள் நங்கநல்லூரில் குளம் ஆறு நதி எதுவும் கிடையாது. குளம் சிவன் கோவில் அருகே இருந்தது. அதன் கரையில் தான் மரத்தடியில் வாத்யார் எல்லோருக்கும் பூணல் போட்டு வைப்பார். புதிய நூல் அணிந்த பிறகு பழையது ஒரு புதிய தொடக்கத்தை குறிக்கும் வகையில் நிராகரிக்கப்படுகிறது.
தெய்வங்களுக்கு எல்லாம் ஒவ்வொரு பண்டிகை ஒவ்வொரு மாதமும் வருகிறது என்றால், வேதத்துக்கு உண்டான பண்டிகை என்றால் அது ஆவணி அவிட்டமே. ஆவணி அவிட்டம் என்றால் அந்தணர்கள் புதிய பூணூலை மாற்றிக் கொள்ளும் ஒரு சடங்குத் திருவிழா என்று மட்டும் இல்லை. இது வேத பாடங்களைக் கற்றுக் கொள்ள தொடங்கும் ஒரு திருநாளாகவே ஆரம்பத்தில் இருந்து வந்துள்ளது. ஆவணி அவிட்டத்தை ‘உபாகர்மா’ என அழைக்க காரணம் உபாகர்மா என்றால் ஆரம்பம், வேதாரம்பம் என்று அர்த்தம். ஆடி அமாவாசைக்குப் பிறகு வரும் பௌர்ணமியே ஆவணி அவிட்ட நாள்.
வேதங்கள் பரப்பிரம்மமான கடவுளிடம் இருந்து ரிஷிகளுக்கு ஓதப்பட்டு அவை மண்ணுலகில் சகல ஜீவன்களின் நன்மைக்காக பயன்படுகின்றன. அன்றாடம் பூஜைகள், ஹோமங்கள் என பல்வேறு சடங்குகளில் ஓதப்படும் இந்த வேதங்களுக்கும் தோஷங்கள் உண்டாகின்றன என்று ஆன்றோர்கள் கூறுவர். குறிப்பிட்ட கால இடைவெளி இன்றி வேகமாகச் சொல்லுதல், புரியாமல் அரைகுறையாகச் சொல்லுதல், சுருக்கமாக முடித்துக் கொள்ள பாதி மந்திரத்தை விழுங்கி விடுவது மந்திரங்களை அர்த்தம் புரியாமல் சொல்லுதல் எனப் பல தவறுகள் வேத பாராயணத்தின் போது நடந்து விடலாம். இப்படி தப்பாக, குறைபாடுடன் வேத பாராயணம் செய்வதால் இந்த பூமிக்கும் ஜீவராசிகளுக்கும் எதிர்மறையான விளைவுகள் உண்டாகி விடலாம். அதனால் தெரிந்தோ தெரியா மலோ வேத பாராயணத்தின்போது உண்டாகும் தோஷங்களை இந்த ஆவணி அவிட்ட நாளில் தேவர்களை அழைத்து தோஷ நிவர்த்தியாக வேத விற்பன்னர்கள் சில சாந்தி மந்திரங்களையும் வழிபாட்டையும் மேற்கொள்வர். இதனால் சகலருக்கும் நன்மையும் சந்தோஷமும் உண்டாகும் என்பது ஐதிகம்.
அதுமட்டுமின்றி இந்த ஆவணி அவிட்ட நாளில் எல்லா தேவதைகளையும் மானசீகமாக வணங்கி தாங்கள் உச்சரிக்கும் வேத மந்திரங்கள் எல்லோருக்கும் நன்மைகளை உண்டாக்க வேண்டும் என்றும் வேண்டிக் கொள்வார்கள். லோக க்ஷேமார்த்தம் என்பது இது தான்.
இந்த நாளில் புதிதாகக் குழந்தைகளுக்கு உபநயனம் செய்தும் வைப்பார்கள். ஒற்றைப்படை வயசில் 5,7,9 11ல் தான் முக்கால்வாசி உபநயனம் அப்போதெல்லாம் நடந்தது. இன்றும் சிலர் விடாமல் இதை கடைப்பிடிக் கிறார்கள்.
உபநயனம் என்றால் துணையான கண்கள் என்று பொருள். அதாவது ஏற்கெனவே இருக்கும் இரண்டு கண்கள் மட்டுமின்றி, வேதம்; ஒழுக்கம் எனும் இந்த உப கண்கள் ஞானத்தை அறிய உதவும் என்பது நம்பிக்கை. ‘நமக்குத் துணையாக வரும் இன்னுமொரு கண்’ என்று பொருள்படும் உபநயன தத்துவத்தை ஆத்மார்த்தமாக உணர்ந்து இந்தப் பண்டிகையைக் கொண்டாட வேண்டும் என்பதே முக்கியம்.
உபநயனம் எனும் பூணூல் மற்றும் மந்திர உபதேசங்கள் ஏற்றுக்கொண்ட பிள்ளைகள் அன்று முதல் ஆசாரங்கள், ஒழுக்கங்கள் ஆகியவற்றை தங்கள் வாழ்க்கை நடை முறையாகக் கடைசி வரையில், கடைப்பிடிக்க வேண்டும் என்பது கட்டளை. உபநயனம் என்பது குருவின் துணையுடன் இறைவனுக்கு அருகில் அழைத்துச் செல்லும் ஓர் ஆன்மிக நோக்கம். பெரியோர், தகப்பனார், ஆச்சார்யன் ஆகியோர் வழியாகவே உபநயனம் செய்விக்கப்பட வேண்டும் என்பது விதி.
ஆவணி அவிட்ட நாளில் அதிகாலை நீராடி ஆண்ட வனைத் துதித்துப் புத்தாடைகள் உடுத்தி சந்தியா வந்தனம், பிராணயாமம் போன்ற ஜபதபங்கள் செய்ய வேண்டும். பிறகு , பாரத தேசத்தில் உறையும் தெய்வங்கள்,தேவியர்கள், நதிகளை அழைத்து மகா சங்கல்பம் செய்து கொள்ளவேண்டும். இதில் லோக க்ஷேமமே முதல் காரணமாக இருக்க வேண்டும். காமோ கார்ஷீத் (ஆசை, கோபம் என்னை விட்டு விலக வேண்டும் ) என்ற ஜெபத்தை 108 முறையாவது சொல்லவேண்டும். பிறகு மீண்டும் அவரவர் வசதிக் கேற்ப நீர் நிலைகளிலோ, வீட்டிலோ நீராடி புது ஆடைகள் அணியவேண்டும். ஆவணி அவிட்ட நாளில் இரு முறை நீராட வேண்டும் என்பது மிகவும் முக்கியம். முறையான பூஜைகளும் ஆசார்யர்களுக்கான தானங்களும் ஆதரவற்றோருக்குச் செய்யும் தருமங் களும் நிச்சயம் இந்த பூமியைக் காக்கும் என்பதே இந்த நாளின் தாத்பர்யம். ஆவணி அவிட்ட மறுநாள் காயத்ரி ஜெபத்துக்கு என பிரத்யே கமானது.
இதுவரை ஓதிய வேத மந்திரங்களில் ஏதேனும் குறையி ருப்பின் அதை நிவர்த்தி செய்யவும், இனி கற்க இருக்கும் வேத மந்திரங்களை முழுமையான பலத்துடன் கற்கவும் இந்நாளில் காயத்ரீ ஜபம் செய்ய வேண்டும் என ஆன்மிக கூறுகின்றன. இந்தப் பிரபஞ்சமும் அதில் வாழும் சகல ஜீவராசிகளும் சிறப்புற்று வாழ வேண்டும். இந்தப் பிரபஞ்சத்தைப் பரிபாலிக்கும் சகல தேவதைகளும் திருப்தியோடு செயல் புரியவும் இந்த நாளில் சங்கல்பம் ஏற்க வேண்டும். பூமியில் குற்றங்கள் குறைந்து அன்பும் ஒழுக்கமும் பெருகி எல்லோரும் இன்புற்று வாழவேண் டும் என்று பிரார்த்திப்பதே ஆவணி அவிட்டத்தின் நோக்கம் என்பர் பெரியோர்.
‘மூலத்தில் பிடித்ததை அவிட்டதில் விடு” என்பார்கள் பெரியோர்கள். அதாவது தேவதைகள் திருப்தி பெற, சகல உயிர்களும் இன்புற்று வாழ தினமும் காயத்ரீ மந்திரங்களைச் சொல்ல வேண்டும் என்பது விதி. ஒருவேளை தினமும் சொல்ல முடியாதவர்கள் மாதத்தில் மூல நட்சத்திர நாளில் தொடங்கி அவிட்டம் வரையா வது, ஐந்து நாள்களிலாவது காயத்ரீ மந்திரத்தை விடாமல் ஜபிக்க வேண்டும் என்பார்கள். அவிட்ட நாளில் ஓதப்படும் வேத மந்திரங்கள் வலுவானவை என்பதும் ஆன்றோர் வாக்கு. ஆவணி அவிட்ட நாளில் பூணூலை மாற்றிக் கொண்ட பிறகு கொஞ்ச நேரமாவது வேதாரம் பத்தை செய்து கொள்ள வேண்டும் என்பது காஞ்சி மகா முனிவரின் விருப்பம்.
பூணூல் போடுபவர்களுக்கு மட்டுமான பண்டிகை மட்டு மல்ல இது. மற்றவர்கள் சூரியனை நமஸ்கரிக்கவும், ஆலய வழிபாடுகள் செய்யவும், புதிய கல்வி, கலைகளைக் கற்றுக்கொள்ளவும் ஏற்ற நாள் இது.
This blog is dedicated to the study, appreciation, and devotional exploration of Indian deities, traditions, and spiritual practices. All content published here is intended solely for educational, informational, and research purposes.
The views, interpretations, and information presented reflect personal understanding and publicly available sources, and are not intended to offend or misrepresent any religion, community, sect, or belief system. Readers are encouraged to consult authoritative scriptures, scholars, and religious authorities for definitive guidance.
Copyright & Intellectual Property: Images, texts, quotations, and other materials featured on this blog may be the property of their respective owners. Such materials are used in good faith for non-commercial, educational, and illustrative purposes under the principle of fair use/fair dealing. No copyright infringement is intended. If you are the rightful owner of any content displayed here and believe it has been used improperly, please contact us and the material will be promptly removed or duly credited.
No Liability: While every effort is made to ensure accuracy, the author makes no warranties regarding the completeness or reliability of the information. Any reliance you place on such information is strictly at your own risk.
All trademarks, logos, and brand names are the property of their respective owners.


